呢個地方丫仁已經mark咗一定要嚟！！同朋友們講咗好耐，但係又因為疫情嘅關係要長期閉館。今次開返真...

呢個地方丫仁已經mark咗一定要嚟！！同朋友們講咗好耐，但係又因為疫情嘅關係要長期閉館。今次開返真係唔理3721，睇咗先！！！

原本覺得應該冇乜特別，逗留一兩個鐘頭就會返屋企。點知入到去，丫仁就知自己已經中咗招。好似以前細個對住火車路軌模型望好耐都唔肯走嗰種興奮同童真返晒嚟！望住虛擬未來迷你模型望好耐都唔想郁，不停掃不停搵每一個細節位。丫仁越望得耐心頭越湧出莫名其妙嘅驚嘆！！可能每個男孩子都曾經想幻想過自己有一日會整呢一類有機關嘅迷你模型放喺屋企。

一早去到場館發現已經出面排咗一堆人等入場！入到去你仲可以用360度相機製造一個迷你自己放喺場內影相參與呢個迷你世界。單單一個太空·未來館已經燒咗我好多手機電量，場內慢慢積咗好多人，要盡快左攝右攝務求搶到拍攝靚位。特別係見到一啲香港嘅街景，有共鳴位嘅時候係會想影多啲角度同埋拍片～

真係唔夠喉！佢要擴大場館，加多一啲唔同主題嘅區域添，動森又好，鬼滅世界觀又得！好期待會轉主題，一轉即飛去多次

---